Home » HATUA ZA MAFANIKIO » HATUA YA 186: Usiwe Mmoja Wao.

HATUA YA 186: Usiwe Mmoja Wao.

Usiwe mmoja wao wanaolalamika badala ya kuchukua hatua. Usiwe mmoja wao ambao matatizo yao wenyewe wanatafuta watu wa kuwabebesha badala ya kuyatatua.
Usiwe mmoja wao ambao wanafanya mambo kwa kufuata mkumbo. Usiwe mmoja wao hao ambao wanategemea maisha yao yabadikike wakati hakuna wanachokifanya ili kuyabadili.

 

Ndio rafiki yangu nakwambia usiwe mmoja wa hao wakatishaji tamaa. Usiwe mmoja wa hao wanaoona wivu wenzao wakiendelea badala ya wao kujifunza kwao. Anza kubadilika sasa hakuna kitakachobadilika kama wewe hutabadilika.
Katika kundi la wengi wanaofanya mambo yanayonafanana usikubali kuwa mmoja wao. Amua kufanya mambo ya tofauti. Kama wote wanakaa dukani na kungojea wateja waje anza kufanya tofauti na wao. Anza kufanya wateja waje usiwasubiri. Anza kuhudumia vizuri wateja wako.
Tafuta kitu kinachokutofautisha na wengine. Kama huna tofauti basi wewe umekuwa wa kawaida na watu wenye mafanikio ni wale waliogundua utofauti wao.
Mabadiliko yanaletwa na utofauti. Ukiweza kujitofautisha ndipo unakwenda viwango vingine. Kama wengine wanalalamika magufuli kabana wewe funga mdomo kafanye kazi. Wakati watu wanasema hawana mtaji wewe anza na kile ulichonacho kidogo kidogo hadi ufikie kule unakotaka.
Usikubali kufanya mambo ambayo wengi wanakimbilia. Hii ni kwasababu wengi hukimbilia kufanya vitu virahisi na vinavyowezekana lakini wenye mafanikio wanafanya mambo ambayo watu wa kawaida wanaona hayawezekani.
MAFANIKIO YAKO YAPO KWENYE UTOFAUTI WAKO.

Rafiki Yako,

Mwandishi na Kocha wa Mafanikio

Jacob Mushi

www.jacobmushi.com/huduma

About

Jacob Mushi ni Mwandishi wa makala, nukuu na vitabu vya Maisha na Mafanikio, Kocha wa Maisha na Mjasiriamali. Kiu yake kubwa ni kuona wewe unakuwa mtu bora, unatimiza ndoto zako na unaishi Maisha ya mafanikio. Kazi yake kubwa ni kuhakikisha wewe hauishii Njiani kwenye lile kusudi ambalo Mungu ameweka ndani yako.

Leave a Reply

Your email address will not be published. Required fields are marked *

%d bloggers like this: