Jifunze Kwa Mtoto

Kuna nyakati kwenye maisha tunapitia hali ambazo zinatulazimisha kufanya mambo tusiyohitaji ila ni kwasababu tunaisikiliza mili yetu. Sio kila hali ambayo unaisikia kwenye mwili wako inahitaji kufanyiwa kazi.

Ukiwa na mtoto mdogo utaweza kuniambia kwamba sio kila anacholilia mtoto unampatia. Mfano anatakiwa kulala na yeye anataka kwenda kucheza huwezi tu kumruhusu kwasababu ametaka.

Anatakiwa kula chakula akalilia soda huwezI kumpa soda kwasababu tu amelilia.

Mara zote tunawapatia watoto wetu vile vitu wanavyostahili na sio kwa vile tu wamelilia.

kwenye maisha na safari ya mafanikio kuna nyakati utataka kufanya mambo na mwili wako ukakataa. Kuna nyakati unatakiwa usome vitabu lakini unajisikia uvivu.

Kuna nyakati unatakiwa ukamilishe jambo fulani lakini mwili unakwambia umechoka utamalizia kesho.

kama utausikiliza mwili wako na hali zake utajikuta hakuna unachokifanya. 

kama kila unavyojisikia wewe unafanya utajitengenezea tabia ambazo zinaweza kuwa sababu ya wewe kukwama kwenye safari yako.

Lazima ujue ni vitu gani lazima ufanye bila kujali una usingizi au lah lazima ujitengenezee nidhamu kama mtoto mdogo.

 

Jacob Mushi.

USIISHIE NJIANI

0644726668

This entry was posted in MBINU ZA MAFANIKIO, USIISHIE NJIANI on by .

About jacobmushi

Jacob Mushi ni Mwandishi wa makala, nukuu na vitabu vya Maisha na Mafanikio, Kocha wa Maisha na Mjasiriamali. Kiu yake kubwa ni kuona wewe unakuwa mtu bora, unatimiza ndoto zako na unaishi Maisha ya mafanikio. Kazi yake kubwa ni kuhakikisha wewe hauishii Njiani kwenye lile kusudi ambalo Mungu ameweka ndani yako.

Leave a Reply

Your email address will not be published. Required fields are marked *