Home » KONA YA BIASHARA » KONA YA BIASHARA: Mbuyu Ulianza kama Mchicha.

KONA YA BIASHARA: Mbuyu Ulianza kama Mchicha.

Nionyeshe mti mmoja imara ambao umekua kwa siku chache. Ukweli ni hakuna miti mingi ambayo hukua haraka haidumu wala mashina yake sio imara kama miti inayochukua muda mwingi kukua.

Usitamani matokeo makubwa ya haraka ambayo hujayafanyia kazi utakuja kushindishwa kuyabeba au kuendeleza. Kama ambavyo tunasema mbuyu ulianza kama mchicha basi hakuna haja ya kukimbizana na wengine ambao wanakua haraka Zaidi yako.

Jipe muda wa kufikia malengo yako, jua gharama ambayo inakupasa kulipa katika muda uliojipa ili utimize hayo malengo. Biashara yeyote inayokua kidogo kidogo ina uwezekano mkubwa wa kuja kudumu kwa muda mrefu sana huku baadae.

Usishindane na mtu yeyote  hata kama ameanza juzi na wewe una muda mrefu hujui yeye anatumia nguvu gani.

Tumia nguvu kubwa mwanzoni ili baadae uje kutumia nguvu kidogo upate mavuno mengi. Usiangalie kiwango cha mavuno unayopata sasa hivi tazama kule mbele unakotaka kufika.

Wengi hushindwa kwenda mbele kwasababu ya kutamani matokeo makubwa wakati bado hawajakua. Usiwe kama watu wa aina hiyo endelea kuweka juhudi kubwa kwenye ukuzaji wa biashara  na sio kwenye matokeo. Wakati wa matokeo ukifika utafurahia matokeo makubwa.

Ili uweze kumiliki biashara kubwa inakupasa uvumilivu, kujifunza sana, bidi na kutokata tamaa. Changamoto ni nyingi lakini washindi ni wale waliozitazama ndoto zao badala ya changamoto.

Jacob Mushi

USIISHIE NJIANI

“Piga Hatua”

About

Jacob Mushi ni Mwandishi wa makala, nukuu na vitabu vya Maisha na Mafanikio, Kocha wa Maisha na Mjasiriamali. Kiu yake kubwa ni kuona wewe unakuwa mtu bora, unatimiza ndoto zako na unaishi Maisha ya mafanikio. Kazi yake kubwa ni kuhakikisha wewe hauishii Njiani kwenye lile kusudi ambalo Mungu ameweka ndani yako.

Leave a Reply

Your email address will not be published. Required fields are marked *

%d bloggers like this: