449; #USIISHIENJIANI LEO: Unakuwa Kile Unachozungumza.

Kuna mstari unasema “Kimtokacho mtu ndicho Kimjazacho” yaani kile unachoongea ndio kimejaa ndani yako. Ili uweze kubadilisha kinachotoka ndani yako anza kubadilisha unachoingiza ndani.


Ukiamka asubuhi unaanza kuingiza vitu gani kwenye ufahamu wako?Unaanza kusikiliza Habari na kutembelea mitandaoni ujue kiichotokea?
Anza kubadili unachoongea sasa kwa kubadilisha aina ya marafiki ulionao.Kama watu unaokaa nao mara zote huzungumzia umbea na Maisha ya wengine anza kuwakimbia.Kama wale unaoenda kubadilishana mawazo wanazungumzia zaidi mpira, mambo ambayo hayakujengi anza kuhama huko.


Jichanganye na watu ambao watakufanya ukue zaidi. Watabadilisha mazungumzo yako, uache Kuzungumzia matatizo uanze Kuzungumzia miradi mikubwa.


Huwezi kuanza ghafla Kuzungumzia biashara kama watu, vitabu, mitandao unayofuatilia kila siku haihusu biashara.


Anza kubadilisha kile unachozungumza kwasababu Unakua kile unachozungumza.


Nakutakia Kila la Kheri.

Ubarikiwe sana.

Rafiki Yako Jacob Mushi.

This entry was posted in MAISHA NA MAHUSIANO on by .

About jacobmushi

Jacob Mushi ni Mwandishi wa makala, nukuu na vitabu vya Maisha na Mafanikio, Kocha wa Maisha na Mjasiriamali. Kiu yake kubwa ni kuona wewe unakuwa mtu bora, unatimiza ndoto zako na unaishi Maisha ya mafanikio. Kazi yake kubwa ni kuhakikisha wewe hauishii Njiani kwenye lile kusudi ambalo Mungu ameweka ndani yako.

Leave a Reply

Your email address will not be published. Required fields are marked *