Home » USIISHIE NJIANI » Fanyia kazi unayojifunza Ukue

Fanyia kazi unayojifunza Ukue

“Knowing Is Not Enough; We Must Apply. Wishing Is Not Enough; We Must Do.”- Johann Wolfgang Von Goethe

Kujua tu haitoshi lazima tuingize kwenye vitendo yale tunayojifunza na kujua,  kutamani tu haitoshi tuchukue hatua kufikia vile vitu tunavyotamani.

Kua na ndoto kubwa haitoshi  inatakiwa ujue kuingia kwenye vitendo, vitendo siku zote ndio vinaleta matokeo.

Vikwazo utakutana navyo lakini visiwe sababu ya wewe kuacha bali sababu ya wewe kukua na kukomaa.
 Anza leo kufanyia kazi yale unayojifunza hapa kila siku maana haitafaa ujifunze tu peke yake maisha yako yanatakiwa yabadilike utoke sehemu uliyokuwepo na usogee mbele zaidi na hili ndilo dhumuni kuu  la maisha kuendelea. Kama unachokifanya hakiendelei ni tatizo hilo.

Unapozaa mtoto akawa hakui akabakia kutambaa tuu miaka kadhaa huwezi kufurahia lazima umkimbize kwa daktari akafanyiwe uchunguzi. Vivyo hivyo katika maisha yetu kila siku kama husogei maana yake ni upo kwenye matatizo makubwa unahitaji tiba ya akili. Unahitaji kushauriwa ili uweze kusogea mbele.

Lengo la mimi kukuandikia makala hizi katika blog hii ni wewe usome ujifunze ufanyie kazi na maisha yako yaweze kubadilika na kama huoni mabadiliko ujue kuna tatizo mahali unitafute tuongeee zaidi au uache tu kusoma maana kama hubadiliki itakua haina maana ya wewe kuendelea kusoma.

Maisha yako ni lazima yawe na mabadiliko chanya japokua unapitia changamoto mbalimbali lakini mabadiliko chanya lazima yawe yanaonekana. Hilo ni la muhimu sana kwenye maisha yako rafiki yangu.

Nakutakia wakati mwema.
Jacob Mushi
0654726668
jacob@jacobmushi.com

About

Jacob Mushi ni Mwandishi wa makala, nukuu na vitabu vya Maisha na Mafanikio, Kocha wa Maisha na Mjasiriamali. Kiu yake kubwa ni kuona wewe unakuwa mtu bora, unatimiza ndoto zako na unaishi Maisha ya mafanikio. Kazi yake kubwa ni kuhakikisha wewe hauishii Njiani kwenye lile kusudi ambalo Mungu ameweka ndani yako.

Leave a Reply

Your email address will not be published. Required fields are marked *

%d bloggers like this: